jeudi 31 mai 2012

الخليفة الساكس


البارح تفرّجت كيف النّاس الكلّ في "سي" حمّادي كيف طلّ علينا بهاك الوجيّه السّمح في مسرحيّة من أتعس ما فمّا... أداء فاشل ليه و للزّوز اللّي معاه... ابداها بإيمان بحرون وبتلحيسها المعتاد والسّيد اللي معاها "سميلها" كيف ما تقول هي... اللّي عامل فيها صعيب و متاع الأسئلة الحرجة...  
في الأوّل ماذا بيّا نقولهم التلاثة، المرّا الجاية حاولو تعملو رواحكم مش متفاهمين عالسؤالات "الخطرين" خاطر "سي" حمّادي ولا يجاوب قبل ماتسئلوه، مزروب يا ديني ووه
أون پلوس يا "سي" حمّادي" ولّاهي مساطت حكاية الشّعب التونسي ذكي ويعرف يفرّق اللّي تقول فيها، تي كان جاء ذكي، باش يڢوتيلكم... ولا زعمة الكلمة السّحرية اللّي باش تبلّعلو بيها الحربوشة
ثالثا يا "سي" حمّادي ما حسّيتش بروحك تبكي وتشكي ياسر، تي معناها، انتوما كاهو تحبّو البلاد والعباد، والباقي الكل كنتوركم، المعارضة، اليسار، الاتحاد، الأوتيكا، السلفيين، نقابة الأمن, الكفار، فرنسا، الشجر، الطبيعة... هاذي اسمها بَلادة واستبلاه لها الشعب "الذكي"
رابعا يا "سي" حمادي راهو الأمين العام للاتحاد توا اسمو حسين العباسي وماعادش عبد السلام جراد معناها مفاوضاتك مع عبد السلام جراد ماتعنيناش في حتى شي
خامسا يا "سي" حمادي ها الفلورت پوسي اللّي بيناتكم و بين السّلفيين طال برشا، وقيت يا تتعداو للپينيتراسيون يا تقيلونا، أما هوما يعملو اللّي يحبّو وانتوما تجيو تقولولهم أيا ماعاش تعاودو صنعتكم هاذي اسمها تمانيك... وزيد تزلق في وسط الجملة توا ولا عنّا مخدرات واستهلاك كحول على قارعة الطريق هاذي اسمها تلقالهم في مبررات
سادسا يا "سي" حمادي رجاء ا رجاء ا رجاء ا كيف ما تقول انت هاك الضحكة الصفراء ولات ياسر توتير أعصاب، ماذا بيك تنقص منها شويّا
سابعا يا "سي" حمادي الشعب التونسي ماهوش كيف ماقلت انت مايفهمش وما حاشتوش باش يعرف التكنيسيتي متاع الميزانية مثلا... 
إنت عليك تنشر للعموم لي ديتاي واللّي أنتيريسي يطلّ عليهم، أما ما تحكمش وحدك آش نحبّو نعرفو وشنوة لا، أيّا سيدي أنا نحب نعرف


اي اكاهو عاد هذاكا شنوة نتفكر من هالانترڢيو القوي ياسر... كان نسيت حاجة سامحوني أما راهو شي من وراء العقل... و پور 
ريزومي، قاللكم كان تحبّو عالدّيمقراطية إلخ إلخ تعياو وانتوما تقبضوا

Aucun commentaire:

Enregistrer un commentaire