العيشة أمثال

منصف المرزوقي: كي الزّير المتّكّي.. لا يضحّك لا يبكّي..
مصطفى بن جعفر: كيف سيدي كيف جواده
حمّادي الجبالي: كان النّوم يكبّر راهو كبّر القطاطس
علي العريّض: إذا كان وليدكم ضرب وليدنا هكّا حال الصّغار وإذا كان وليدنا ضرب وليدكم يشوم النّهار
رفيق بوشلاكة: ولد (راجل بنت) الفار يطلع حفّار
لطفي زيتون: يحبها سبّاقة وجرّاية وماتاكلش الشعير
سمير ديلو: الشفايف تبوس والقلوب فيها السّوس
نور الدّين البحيري: لاينفع في البالي ترقيع ولا في صاحب السّوء عزارة
راشد الغنّوشي: لقى مدينة خالية قام فيها الآذان
منصف بن سالم: خوذ العلم من روس الفكارن
مهدي مبروك: ماناقص المشنوق كان ماكلة الحلوى
عبد الوهّاب المعطّر: اخطا راسي واضرب
طارق ذياب: اللّي والف بالحفا ينسى صبّاتو / في الزّمان المعكوس، الذّنابي تولّي روس ويسكت المنيار ويتكلّم الخنفوس
محرزيّة العبيدي: مهبولة وزغرطولها في وذنها
عبد الرّؤوف العيّادي: اللّي يتبّع الحمام الجالي يروّح للمغاغر
الترويكا:المخنوقة ضحكت على المذبوحة ياخي المصموطة ماتت بالضّحك
الحكومة: الكثرة وقلّة البركة / سارق و في يدّو شمعة
المجلس التّأسيسي: وقت الدّبارة تكثر النّاس ووقت الحاجة ما تلقى حد
الانتخابات: فرحة وما دامتش
النّهضة: جاء كاري ولاّ ملاّك / خانتها ذراعها قالت مسحورة
المؤتمر من أجل الجمهوريّة: البغل تبدّل والكرّيطة هيّ هيّ
التّكتّل: حوت ياكل حوت وقليل الجّهد يموت
تونس: العظمة ماتقول طق كان كي فيها شق
الشّعب: رضينا بالهم والهم مارضاش بينا / لاشكون تحرقص يا مرة الأعمى
الباجي قائد السّبسي: ذيل الكلب حطّوه 100 سنة في قصبة طلع أعوج
جماعة نداء تونس: ما تاخوش هجّالة و كان يبدى خدّها مشموم، قد ما تكركر و تجيب تقلّك يرحم المرحوم
جرذان النّهضة: فاش تمضغ يا جدّة؟ في علكة عمناول / الحنضلة ما تولي تفاحة و الخرشي ما تبان فيه ملاحة / العزوزة هاززها الواد و هي تقول العام صابة
السّلفيّين: جاي من تالي ويعيّط يا مالي