vendredi 13 avril 2012

بركاتك يا حكومة



الحمد للّه اللذي نوّر الحق... يا ناس رانا غالطين نسبّو في الحكومة ونقشتلو... إنها حكومة المعجزات والإشارات الرّبّانيّة فبعد أن أعطت حق جرحى الثّورة بطريحة نبّاش القبور و بعد ماضمنت كلّ الحرّيات وبعد ماصنعت المعجزات الاقتصاديّة والسّياحيّة... بعد ما حاسبت رموز الفساد الكلّ وبفضل إشاراتها الرّبّانيّة اللّي خلّات بلحسن الطّرابلسي يتوب لربّي ويولّي پريسك سلفي ويقدّم اعتذارو للشّعب... بعد ماكمّلت عملت اللّي وعدت بيه الكلّ وبعد ماكمّل المرزوقي دار بالصّغيرات الكلّ في قصر دحدح... قعدت حويجة وحدة كنّا لكلّنا شاكّين اللّي هيّ باش تنجّم تعملها... الشّخصيّة اللّي تسبْبتلنا في المشاكل الكلّ... أخطر مالزّين وليلى والطرابلسيّة الكلّ، أخطر من حكومة الضّل وكمال اللّطيّف وحتّى مالحاجة نانا وأمّ البوية... هاهي الآن تلقي القبض على لبيب... إي نعم سيدي لبيب... اللّي قتللنا وليداتنا، اللّي مصّلنا دمّنا وهلكّلنا اقتصادنا... هذا الكلّ وشرذمة متاع صفر فاصل كفّار أعداء الدّين والوطن يقولولها ديڨاج... حماك اللّه يا وزيرة البيئة، لبيب هو اللذي كان السّبب في التلوّث البيئي أكثر مالنّوكليير، أنقذت تونس والعالم من كارثة طبيعيّة حتميّة... وسمير ديلو يوعدكم على خاطرو متاع حقوق إنسان وجوّ باش تكون عندو محاكمة عادلة ومحامي... الحمد للّه... حكومة مدى الحياة


4 commentaires:

  1. déjà fait pour Ghanouchi, Jbali mazel 3lih bekri :) 7atta yardha 3lih sidna chikh

    RépondreSupprimer
  2. à quand le mausolée de sidna ghannouchi!!!

    RépondreSupprimer
  3. bientôt fi blasset el monguela bien sur... a7na mahou men hideux l hideux ma aktehr

    RépondreSupprimer